Haiku’s

Een grote verzameling haiku’s in het Gronings

Haiku’s worden door veel Groninger schrijvers gemaakt en op Dideldom gepubliceerd. Zelf publiceren? Gratis en met een paar muisklikken geregeld.

Groningstalige haiku’s over onze mooie provincie, alles in ‘t Gronings

n Haiku is n gedicht van drij regels, woarvan d eerste regel 5, de twijde regel 7 en de daarde regel vannijs weer 5 lettergrepen telt.

d Haiku is maist n “ogenblikervoaren”, voak over netuur.

Reageren? Dailen? Printen? Meer van dezulfde schriever zain? Klik op tuddel/titel.

Lijstitem 2 Even rustig lezen? Moeske der boven hangen loaten!

Aan raais in Westerwòl

wereld is luddek
dook over eerappellaand
wachten is op zun

schilder kleurt zien laand
wolken drieven op t douk
vogel strikt dele

gehaaim maank bomen
giezelbaargverdrait van dou
vredeg bos van nou

snoavels wied open
aaibers jaauwstern op t nust
moeke stilt honger

dörpke van vrouger
loakenvelders laangs wotter
wereld zunder tied

oldske lopt in bos
gedachten aan jong gelok
zun schient op n troan

wotter moakt bochten
spektoakelstuk van netuur
stoande ovoatsie

stoetje mit stilte
ieme daanst op boukwaitblui
zörgen waaien vot

verskes daansen rond
maank börg en bluiende es
gedichies op stand

op t rad noar huus
bloumen en gelok op stuur
kop weer leeg en roem

Haiku’s

Blom geft haarsdag aan
bluien is oam op t lest
aal verswindt in winter.

Zun schient mit stroalen
striedend tegen uur en tied
fel, schier, stoeptrekkend.

Schoemkoppen bie straand
daanzen broezend over laand
störm staait doar börg veur.

Blad vaalt van boom oaf
op grond, as n klaaid zo schier
veujoar gruit weer aan.

Sukkerbait winnen
klaai kloeten vlaigen veurbie
gruin blad nou vot, koal.

Haiku’s

Liek n wolleg vluus
doolt over laand en hoezen
dichte diezeghaid


t Verswonnen bootje
ligt weer achter rait bezied
viskerriw aan boord


Op n wolkenstoul
voar ik mit noar t wonnerlaand
achter horizon


Treeke veur treeke
beklim k sleetse traptreden
tot hoog ien toren


Achter trekker aan
kribben witgraauwe miwwen
om n dikke wirm

Haiku’s

Aan anerkaant diek
zai k voutstappen noar t Wad goan
gain minsk is te zain


Veujoar ien boeten?
veur mien keukenroam dwirrelt
n donzeg veerke


Twij akkelaaien
joagen liek vlaigmesienen
n miw veur heur oet


Zunner geluud bringt
dook ronnomrond ons woonstee
nog meer stilleghaid


Stil stoa k te lustern
gain geluud is te heuren
k zai traain áál rieden


Drokte ien poller
koren, baiten, eerabbels
en n muide boer


Blied loop k ien boeten
daag is eerder daag worren
krekt zo as guster

Midwinterhaiku’s

Ien aiveghaid
is weer n joar verswonnen
tied het ter tou doan


Geluud hail wied vot
let mie dinken aan vroger
doan waark of.... doch nait?


Op dizze oavend
geft mie steern van Bethlehem
verschoel en verbaarg


Van Òl- noar Nij-joar
vervoaren heugenizzen
noar n nij begun

Kleuren verswienen
ien stilte van Midwinter
no dook hom deelvlijt


t Blift nog eefkes stil
no leste klokslag aangeft
dat Nij-joar begunt


Gedachten stoeken
no Òljoar zien lèste daag
bestopt ien vroger


Midwintersdoagen
geven mie deur stilleghaid
n wìnsteg gevuil


Ien midwinternaacht
legt leste daag van t joar
hom deel maank wat snij


Op nij-joarsdag stroomt
ainzoame kerk vol leven
van örgelklanken


Bie t joar òfwinnen
heur ik diggelgeluden
ook ien gedachten

E-mail bie wat nijs?