Ie willen wel Grunnegs perbaaiern te schrieven, mor dij woorden bennen zo stoer!
Mor ook as je al bekend bennen mit t schrieven in t Grunnegs is dit n schiere aanvullen.

Moak doarom gebroek van de nije spèllenscontrole voor Grunnegs schrieven!

Meer info zain ie onder t ploatje.

Dideldom.nu baidt joe dizze spèllenscontrole aan. Der is n liest moakt van sikkom 25000 Grunneger woorden dij t maiste veurkomen in ale 100 òfleverns van tiedschrift Kreuze, ook op dit webstee te vinden. Bij Kreuze is deur de redactie slim keken noar de “regels van Reker”. Automoatisch ontdoan van veul Ollandse woorden. In dij liest worden de nou nog veurkomende Ollandse en aander vrumde woorden handmoateg vervangen deur nije Grunneger woorden. Dat duurt nog even, mor dut aan de broekboarhaid op dit mement nait veul òf.

De spèllenscontrole is baseerd op n browser-extensie (n klaain pergram binnenin n browser). 

Hou waarkt het?

Noa t installeren van de extensie wordt de woordenliest touvougd. t Waarkt veur de maiste pergrams in joen browser zoas webmail en t controleert touglieks joen Ollandse en Grunnegse woorden.  t Beste resultoat en t schierste waarkt t in de specioale tekstverwaarker dij de extensie mit zok mit brengt. Hierin kinnen je joen Grunnegse teksten schrieven en bewoaren. Mor ook plakken om bloots te loaten controleren. In de bestoande woordenliest kinnen ie zulf nog twijhonderd woorden touvougen, mor ook weer downloaden en bewaarken. Schier nait?

Installeren

Download eerst de woordenliest:

Pergram instellen:

• Goa noar: https://languagetool.org/nl
• Ie kinnen op dij webstee ook de toupazzen veur Word, GoogleDocs of Libre Office installeren. Hieronder wordt allint mor beschreven hou je t gebroeken kinnen binnen joen aigen browser
• Registreer joe doar veur n account, kais rechtsonder veur: “Gratis doorgaan”
• Kais bie “Next steps (Volgende Stappen) ” veur “Install Language Tool for Chrome (Installeer Language Tool voor Chrome)” of welke browser joe gebroeken
• volg de wiedere stappen om t tou te vougen aan de browser
• klik in joen mail op de bevestegenslink. Ie komen din in t pergram weer oet
• kais in “instellingen”: “persoonlijk woordenboek”
• kais veur “woordenboek importeren” en “csv uploaden”; kais t downloade bestand (24800grunnegerwoorden.csv) in joen map: “downloads”
  nait schrikken: ie zain n liest van 1000 woorden en in rood dat je meer dan 1000 woorden hebben, mor ale woorden zitten wel degelk in joen woordenbouk
• kloar! Pebaaier veural even de editor (tekstverwaarker) binnen Language Tool. Hier waarkt het t beste en kinnen ie ook joen teksten bewoaren
• Language Tool kinnen ie aaltied benoadern deur in joen adresbaalk op t icoontje te klikken dat op n puzzelstókje liekt, of via t menu rechtsboven (extensies)

n Poar aandachtspunten

• schoakel de controle van d’ aigen browser oet in de instellens, aans verzoep je in de streepkes
• dizze spèllenscontrole waarkt mit de linker knop van joen moes
• joen persoonlek woordenbouk waarkt allint mor as je inlogd bennen
• om de bestoande liest weer te downloaden om te bewaarken kais din eerst “woordenboek importeren”
• goa regelmoateg even joen aigen liest downloaden, veur back-up.

Lukt t nait of vroagen?

Stuur even n mailtje noar de redactie: info@dideldom.nu of gebroek t contactformelier.