Onbedoulde kostganger
Kiek, n lekkere vetbol op de grond,
is dai ook veur mie?
Vogeltjes eten zok rond,
kin ik doar dammeet ook bie?
Nou komen muskes en maiskes,
ook dij komen aan t gerief.
Is dat nait veur ale baistkes?
k Wor van honger wee in t lief.
t Is even rusteg, is de beurt aan mie?
k Heb nou echt wel hoge nood.
Mor der zit alweer n specht bie.
t Is een kwestie van leven of dood.
Ha, ik zai mien kaans schoon
en k verloat mien vaaileg hoeske.
Nou of nooit, ik pebaaier t gewoon,
t eten is der ook veur n klaain moeske.
Nou, nou, ik haar joe vaaier sterren geven, want ik vin zo’n beschrieving van et klaine, hail schier.
Mor der binnen drei sterren votgoan. Ik wait nait hou dat verder mout. Sorry.
Bedankt veur de reactie en de woarderen. As schriever en as redacteur vind ik dat deur t beschrieven van t klaaine je ook zicht kriegen op t grote.