Ie kinnen der mit lezen en schrieven
“JUDEN RAUS! RAUS! RAUS!”
Dij echo kropt as n glidderg beest omhoog uut n graauw verleden.
Zes miljoun brochten ze om haals, mannen, vraauwen mit kind…
n Volk verzopen in aigen bloud en nog lieken wie wel blind.
“AUSLÄNDER RAUS!!” “EIGEN VOLK EERST!!”
roupen vannijs de broene vodden. Wie binnen der zulf mit bie,
loave t dizze raaize weer….
geworden?
Roelf Meijer. Mit aander woorden, t is bie de aangifte op t gemaintehuus al misgoan. Ik hait ja nait van Meijer mor Maaijer, zoas t in Grunnen hait. In 1956 geboren in Stad (Ik wol der nait uut) mor vanòf mien vaarde dag groot worden op de Wieke. Sunds 2013 woon ik nou in Vledderveen of zoas ze hier zeggen, op de Vledder.
Mor goud, bin nou mit Drees en heb de pènne weer oppakken doan noa nogal wat joaren aander hobbies. Holtbewaarken, smeden, toentjen en zokswataal. Joaren leden was der n boukje van mie uutkommen mit körde verhoaltjes en n dail doar van maggen hier nou wel ais n moal te lezen wezen.
