Bie ‘t lössen
Veur de laodwal lag ‘n schipper
Mit zien zailschip an de kaant.
‘t Schip dat was hail daip anlaoden,
‘t Waoter kwam tot an de raand.
Mit zien knecht was hai aan ‘t lössen
Vaoten teer zo op de wal,
Baiden draaiden zai de liere,
Hail de laange mörgen al.
‘As ‘n vat kwam op de kaode,
Mouk de schipper d’ haile tied
Op ‘n loek een witte strepe
Mit ‘n lutje stokje kriet.
Dou hai daor zo stond te draaien
Kwam zien keeshond op het dek,
Lichtte stiekom d’ aine pote…
Op de strepen kwam ain plek…
„Baos”, raip knecht, „ie mout ‘s kieken
„Geef dei hond ain over snoet!
Want dei smeerlap veegt in ainmaol
„’t Haile kasbouk stiekom oet!”…
