Zwachtelziel

Gemainte Zwachtelziel ligt op t Hogelaand, aanplakt tegen de Wattendiek. In t plaaisterdörpke worden pesjenten oplapt. In t GasTerrarium liggen slachtoffers mit daipe oardkloven in gips. Metselvougwonden worden laangdureg bie mekoar hollen deur n brace. Zwachtelzielsters kreunen onder lastege enquête-onderzuiken. Co-assistenten leggen noodverbaand, (femilie van pesjenten nuimen t rekverbaand). Medesienen binnen te duur. Elk wacht op diagnoses van dokter SeismoRichter. Dij kiekt in de zaikenzoal welkse operoatsies aanpakt of uutstèld worden.
Gounent hebben gain energie meer. Kroamófdailen levert mor zuneg nij leven. Hoagse kletskousen beloven steunkousen. Kwakzaalvers moaken stinkwonden onder verbaandgoaskes in Zwachtelziel!