Wakker worden ….op t kerkhof!!
Hier kin je vanzulf vroagtaikens bie zetten.
Oet de dood opstoan? Onderoet goan?
Niks van dat alles. k Zel joe nait laanger in spanning holl n!
Op n muziekfeest in Duutsland hadden mien kameroad en ik kennis moakt mit n poar jongkerels oet Metjendorf.
Dat is n luttje ploatske bie Oldenburg. t Feest was volgens ons geweldeg, mor d jongs vonden, dat t in Metjendorf nog veul beter was!
Duutsers vinden t ja bie heur zulf Immer Besser! -t konden wel Sodemers wees n?-
Wie benn n op heur nuigen ingoan, al haar ik wel n probleem…. t Was van dunderdag tot en mit zundag….
En mien waark luit dat voak nait tou! Toch mor eem laif proaten mit ons voar.
Tot mien verboazen kreeg k toustemmen! Ik belde mien kameroad en zee, dat ve dunderdag al wel vot konden…!
Het wuir inderdoad n feest van jewelste! Mien laive tied, groots en wat n volk! Asof hail Oldenburg der heer kwam.
Al op tied an de bier! En dat drei doage laank… t kwam mie d oorn bienoa oet! As voar dat waiten haar!
d Luu woll n t ons goud noar de zin moaken en hadden veur ons baide de olderlieke sloapkoamer bedould!
Das geht toch nicht, zeden wie, mor zai stonden der op. dat wie in heur berre slaipen.
Und sie den? wol ik waiten…. Kom mal mit! En zai laiten ons de sloapkoamer van d jons zain. HIER! Ja, und die jungs?
Im Zelt in unsere Garten!. Na ja…., wen sie das wollen?
Moeke bleef thoes… Voar dee dapper mit!
Ain groot feest, woaras zai gain genogt van kregen… Ik zoveul te meer, want ik luste wel n poar, mor zoveul?
Om zeum uur stonden ze al weer te roupen: Fruhshoppen!
Gelukkeg haar Mutti aal doage n lekkere pot vol eten en… herliche suppe! Wat haar ze der n waark op doan!
Wel wat vet, mor volgens Vati was dat n goie onderloag veur de draank!
Zotterdoags gingen wie in t gehuurde Kevertje retour t Oldambt. Gelukkeg was t nait drok op de wegen en tufken wie rusteg op hoes aan.
Tenminste, dat dochten wie….. Ik heurde opains vrauluu proaten en docht: hou kin dat?
Wrief mien d ogen oet…. Verrek, k lag ja te sloapen! Kiek om mie tou en zai aal ol vrauchie s bie groaven aan t waark….. Huh…?
Ik steut mien kameroad aan: Henk, wakker worden! Wie liggen op t kerkhof!
Hai schrok zok de pleuris.. Wie benn n toch nait dood? Hevve n ongeluk had? Woar bivve? Bad Zwischenhahn…
Hou bivve doar den wel kommen? k Wait t ook nait, mor nou onmiddelk vot!
Gelukkeg was we nait dood, mor aal dat bier haar ons al wel haalverwege brocht!
Noa aal dat zoepen, hadden we veul gelok! Wie benn n ook nog goud thoes kommen!
Dat was meer gelok as wieshaid! Want dei wieshaid zat in …tig flessen bier!
