Ie kinnen der mit lezen en schrieven
Non k oller wor
denk k smangs meer
aan vrouger.
t Veurjoar was
tied veur t schonen.
Moeke mit
kopstubber in d weer.
Mit nkander
drok mit t
streupen van d bonen.
Achterop plof
bie mien ol heer,
törf in d kaggel,
kruke op bèrre,
gain kòle tonen.
Mooie tied,
mor ík huif t nait weer.
k Bin bliede mit
dizze tied van
t nijmoodse wonen.
Geboren: 19 jan 1947 in Veenhoezen
Woont in: Stad
Ik bin geboren op in Veenhoezen, n streek tussen Onstwedde en Knoal. Dou k drij was binnen wie noar Deventer goan. Tot mien 16e doar woond en dou noar Stad. Van 1964 tot 2005 bie plietsie in Stad waarkt. In veul functies zo as motorrieder en rechercheur en alles wat doar tussen zit. Ik bin aal sikkom 40 joar traauwd mit n vraauw oet Dordrecht. Dus in hoes altied Ollands proaten. En dat is nait goud veur mien Grunnegs. In 2005 is der boukje van mie oetkommen mit gedichten dai aal de plietsie as underwaarp hemmen. In t Ollands. Dou t boukje der was bin ik wieder goan in t Grunnegs. Ik leuf dat dat aalgedureg wat beter gaait.
