Veur n kusje van dat zusje……

· Zonneveld van, Klaas

Sums zit je in de stront…

den wordt t opains weer licht

komt d luttjeste wicht

mit heur mond (je)

noar joen gezicht……

zai nemt t veurbeeld

van heur zusje:

Opa en Oma kriegen n lekker kusje!

Het is nait altied paais en vree

De schaduw vloog ook voak over ons leem.

Ons kinder en klainkinder wazzen den veur ons de zun,

dei t weer wat droaglek muik.

Zo ook de noakommelingen,

n Klainzeun van 9 en twei achterklaindochters van 2 en 1!

Dei van 9 gait bie t oafschaid ait op d hoekehakke zitten, strekt zien aarms oet

noar dei van tweie en kricht den spontaan n dikke knuffel!

Opa en oma doun hom noa en worden ook vot beloond!

d Luttjeste van ain zucht dat en wil nait minder wees n..

Zai toet heur mondje en dut zo van haarten mit!

En dat wel n poar moal in de moand….

Dat holt ons stoand!

Wat kin t leem verrekte mooi wees n!

k Wil mien eten der veur loaten stoan!

• Facebook
• X
• LinkedIn
• Email
• Print

Gedichten

Meer van t zulfde:

• Oaderverkaalken…

• Speultjes van vrouger

• Gelok

Achtergrond info:

Woont in Scheemde.
“k Bin in 1937 geboren in Nietap, doar heb k toch
wel mien mooiste herinnerns aan: oorlogstied en
bevraaiden! (‘n Knot(s) van n vraauw’, Kreuze
19). En … speulen in t Noatuurschoon en bie t
Laikstermeer. Wat n weelde! In achtenvatteg ver-
hoesd noar Scheemde, omreden dat mien voar
doar de drokkerij van Doevendans kocht haar. t
Kon hoast nait aans … in ’53 bie voar aan t
waark. Drokker worden, dus. Was ook wel n hail
schiere tied. Op legere schoule al laifhebber van
schrieven. n Bult fantasie … k Wol nait aan t
kompjoetern, mor dou k van mien zeun zien ‘olle’
kreeg, kreeg k de smoak van t schrieven weer te
pakken. k Heb joaren mitdoan aan de Grunneger
schriefwedstried in t Oldambt en was de Joop
Zoetemelk onder de dailnemers … mainst twijde
priezen! k Mag laiver dialect schrieven as lezen
… mor dat ligt aan miezulven. Ede Stoal is en blift
wel mien favoriete zanger. De Tuutjefloiters, Alex
Vissering en Wia Buze heur k ook geern.”
Geboren: Nietap, 4 juli 1937

Priezen: Verschaaiden 2e priezen bie Ol-
dambtster schriefwedstrieden
2e pries landelke schriefwedstried
van de Zonnebloem mit t verhoal ‘Kleurriek’