Verraoden

‘n Femilie in Zuud-Holland
Kreeg ‘n pakje over post
Eterij dat wuir heur zonden
Want men zat krap in de kost.

Daorom stuurde men van boeten
Net zovaok as men maor kon,
Klaine deuzen vol mit eetwaor
Dei men mit de post verzon’.

Maor van dei twei kilo’s pakjes
Kwam maor ‘n beetje op zien stee,
Daor de post, dei ook gebrek har,
Vaok er zulf beslag op lee..…

Dou men noe het pakje lös mouk
En het op de taofel lag,
Kwam er opins tussen kranten
‘n Themaoboukje veur de dag.

Maor het spek, dat ‘r in mos zitten,
Was onvindbaor en was vot……
‘t Bleek dat deuze al deurzöcht was,
Want op ‘t zied was ze kepot.

Dou het boukje wuir bekeken
Zag men op het tietelblad,
Naom en woonstee van ‘n zeuntje
Van ‘n postman in de stad.

Dei har, dou hai ‘t spek er oet nam
En de deus har dichteplakt,
‘t Boukje tussen olle kranten
Ongemaarkt er mit inpakt.