STAR

In de vérte n plume rook,
ik heur n hoele, en zai hom bloazen,
poestend en aan de kook,
zai ik hom over t spoor roazen.

Dit machteg stukkie antiek,
spoort deur ons mooi Grunnegerlaand,
redt deur luu, dij fanatiek,
hom wegsleepten veur de slopershaand.

Dij mit laifde en veul geduld,
belangeloos en zunder winstbejag,
mennig vrij uurtje opvuld
hebben, zodat e rieden blieven mag.