Rieles

· Nienhuis, Ingeborg

Troag ridt auto over ventweg bie olle kruutfebriek. Febriek wer baauwd as munitiedepot ien Kolle Oorlog. Op t heden is t n dood stee woar enkelt schaifscheuvelnde lu òfspreken.
Mit t swait veur de kop stuurt t wichtje auto. Heur pa zit dernoast aanwiezens te geven. Zo hebben zai al honderden euro’s lesgeld oetspoard, mor boute is des te hoger as zai snapt worden. Dij benaauwdhaid heerst, zo gaauw as der n aander auto heur noadert. Auto ridt langzoam, dijgene achter t stuur gloept heur mit grote ogen aan. t Wichtje herkent heur klasgenootje, dat leskrigt van héúr pa.

• Facebook
• X
• LinkedIn
• Email
• Print

Verhoalen

Meer van t zulfde:

• Nij licht

• Juvenaat St. Paul, 1959

• n Hondje

Achtergrond info:

Ingeborg Nienhuis (1981) Schrift verhoalen in de Grunneger toal en in t Ollands. Heur Grunnegstoalegs debuut Schoem of De Voarende Zoltkamper (t Grunneger Bouk standoardtoal, 2020) wur nomineerd veur Beste Grunneger Bouk, en ook heur Ollandse debuut Randfiguren (Ambilicious, 2021) wur goud ontvangen. In 2022 wint de schriefster de Nedersaksische schriefwedstried in Drenthe. Begun 2023 staait Hoeze Toenbaauw (Uitgeverij Vliedorp), t twijde Grunnegstoalege bouk van Ingeborg, op de shortlist van Dagblad van het Noorden Streektoalpriezen over t joar 2022.