De Slimste Mens

· Nienhuis, Ingeborg

Ien studio housten kandidoaten noa wat prakkezaaiern heur oplözzens monkelnd op, terwiel dat zai thoes smui t aine noa t aander goie antwoord geft.
‘Het scheikundige element voor goud?’ ‘AU!’
‘De eerste vrouwelijke minister van Nederland?’ ‘Marga Klompé!’
‘Nachtschoade!’
‘Sepia!’
‘Van Persie!’
‘Eufemisme!’
‘De vrede van Münster, 1648!’
‘Slutertied!’
‘Alexandre Dumas!’
‘Papaver!’
‘De ramp mit de Hindenburg!’

Hai zit noast heur op baank en speult swiegend mit zien telefoon. Noa n serie van elf vroagen hoapert heur paroate kennis. Op de vroag: ‘hoe wordt de rosse buurt in Hamburg genoemd?’, blift zai stil en ropt hai rezeluut: ‘Reeperbahn, duhu.’

• Facebook
• X
• LinkedIn
• Email
• Print

Verhoalen

Meer van t zulfde:

• Die aanstellerige Groningers

• Rieles

• Sicilioanse rente

Achtergrond info:

Ingeborg Nienhuis (1981) Schrift verhoalen in de Grunneger toal en in t Ollands. Heur Grunnegstoalegs debuut Schoem of De Voarende Zoltkamper (t Grunneger Bouk standoardtoal, 2020) wur nomineerd veur Beste Grunneger Bouk, en ook heur Ollandse debuut Randfiguren (Ambilicious, 2021) wur goud ontvangen. In 2022 wint de schriefster de Nedersaksische schriefwedstried in Drenthe. Begun 2023 staait Hoeze Toenbaauw (Uitgeverij Vliedorp), t twijde Grunnegstoalege bouk van Ingeborg, op de shortlist van Dagblad van het Noorden Streektoalpriezen over t joar 2022.