Riekdom

Sundagmorgen n lutje wereld.
Stilleghaid is vuilboar
deur t zoezen ien oren.
t Hek is wit van spinwebben.
Doorachter n kaalme griesblaauwe zee
mit voelwidde schoemkoppen
dij stoareg hinneweer goan.
Grieze lucht wordt wat lichter,
zun brekt ter hoast deur.
Dook trekt aal wat op.
Schoemkoppen kriegen oren
en hier en doar ook poten.
Din ienains eerste zunstroalen
haile toen is versierd
mit strengen van parels.
t Hek vol fillegraainen klaidjes,
mit kristallen en diamanten.
t Dorp wordt wakker.
n Auto ridt ronkend vot.
Eenden scharreln noar t moar.
Bevoezeld blief ik nog even genotteren
Stil deur zoveul riekdom.