‘n Vraog

Trainen rieden weer naor Grönnen —
Beter ding ja is d’r nait,
En ik geef joe op ‘n braifke,
‘t Raizen geft nait veul verdraait.

Binn’n waogens old en gammel,
Klaogen dou j’ allang nait meer,
Heb je goud gezelschap troffen,
Zeg je: ‘t rolt toch nuver weer.

Lest ais op ain Dinsdag, maarktdag,
Zatten mensen in de train,
Dei goudsmouds wat moppen tapten
En plezair har elk en ain.

Maor het stötte onder ‘t rieden
Nogal bar in dei coupée,
Daordeur was ‘t maor haalf verstaonbaor
Wat zo d’ ain en d’ ander zee.

Bie ‘n halte onderwegens,
Waor de train hail even stond,
Raip ‘n raizeger van: „Cheffie,
Binn’n raoden wel goud rond?”

Meer van t zulfde:

0 0 stemmen
Schier?
Berichtje bie n nije reactie?
Stuur mie n e-mail bie
0 Reacties
Achtergrond info:

Boer en dichter in Nij-Beerte.
 
Zien gedichten wuirden van 1945 tot 1949 oetzonden deur de Regionoale Omroup Noord en Oost. De gedichten goan voak over gevolgen van de oorlog.
 
In dizze periode publiceerde de Winschoter Courant elke week n gedicht in de rubriek “Meroakels”. Loater oetgeven in n bundel.  
 
Hai kwam oet tied op 29-8-1990 in Winschoot.
   
De gedichten op Dideldom komen oet dizze bundel. De spellen zoas Leemhuis dit toupaasde was gebroekelk veur dij tied en is zo overnomen.

E-mail bie wat nijs?