Mien grootolders
Zie zain mie kommen,
over d’loane, t taauwtje
hangt tot deure oet.
Ik kom der zölf wel in.
Goa doe mor even bie
opa zitten, mien jong.
Mooi ja, dast der bist,
kovvie komp der aan.
Wost n plakje kouke
of n vrizze plevekoek?
Opa stopt zien piebe,
pookt kaggel nog ais op.
Zien oetkaauwd sloatje
smit e der ook mor in.
Zai krop in heur zörge,
lustert noar t geproat.
t Is non joaren loater.
Ik kwam der lang nait
voak genog. Wat wol
ik geern nog ais mit ze
proaten. Hai mit zien
olle piebe, oma dai
mie kovvie gaf.