Laifde
n Kroeke verwaarmt zien kolle vouten
En zien vergruide rugge dut pien
Hai denkt mit weemoud aan vrouger joaren
Mor wait, je wodden veur leeftied straft
Hai zel nog even wieder mouten
Mit dizze vraauw dij
Keer op keer trugkeert in tied
- Aal meer is zai weer n kind
n Kind vol zuide dreumen –
In n wereld zunder zörgen
Hai wait, hai kin doarin nait noast heur stoan
t Is zien löt ainzoam te weden
Din vlugt naacht veur weer n nije mörgen
En zachies aait e heur waangen
Ze is zo laif, zo laif.