Kraai en roaf
(noar n foabel van Aesopus)
Kraai was ofgunsteg op roaf, omreden t zain van n roaf was n veurtaiken en lu konnen aan zien
vlaigen zain of toukomst der goud oetzaag of dat ter tegenheden op komst wazzen.
Dou kraai n koppel raaizegers aankommen zaag, vloog hai boven ien boom en begon zo haardoet te krazzen as hai kon. Raaizegers keken noar kraai en vrougen heur òf wat of dat bedudde mor ain van lu zee: “Loat wie mor wieder goan, van t is mor n kraai en zien krazzen bedudt haildaal niks”.
![](https://dideldom.nu/wp-content/uploads/2023/08/afbeelding-167.png)
As ie joezulf veurnoamer pebaaiern veur te doun as ie binnen, moak ie joezulf belaggelk