Ie kinnen der mit lezen en schrieven
Kiek gunt komt de stoomboot
uut Spaanje weer aan
Hai brengt ons Sunt Nikloas
ik zug hom aal stoan
Hou huppelt zien peerdje
t dek op en del
hou wappern de vlagen
zo schaif en zo schel
Zien vìnt staait te lagen
en ropt ons aal tou
n Zuit kind krigt slikgoud
n Hantam de rou
Och laive Sunt Nikloas
kom ook ais bie mie
en rie din nait stiltjes
ons huuske veurbie
Omtoalen van Zie ginds komt de stoomboot
(Orig. tekst: Jan Schenkman)
k bin in 1949 boren in Groningen stad.
Nederlaandstoalig grootbròcht en woon nou ien Westerketaaier
k Heb als praktizerend Sunnerkloas (en Karsman) en om dai reden ok verzoameloar van Sunnerkloas- en Karst laidjes oetvonden dat er nait veul Sunterkloas- en Karst laidjes in het Grunnegs binnen.
Heb doarom een kursus Grunnegs schrieven volgd (Hogelands) en heb doun 60 bekìnde Sunnerkloaslaidjes omtoald en op bekende melodiën doar nog 5 bie moakt.
Nou nog oetgever vinden dai doar n boukje van wil moaken :)
k Heb ok n honderd Karslaidjes vertoald naar t Grunnegs, (har ik vrouger al es omtoald noar t Nederlands) moar den beder as webstees dat doun
moar dai mouten nog omtoald worden, damit ze ok weer te zingen binnen.
Zulfde oantal lettergrepen, zulfde klaankschertes/ zachte klanken, zulfde klankkleuren en din doch goude teksten mit om en noabie dezulfde inhold. (Hail waark)
Dabie heb k ok nog een stuk of 20 joaren 60-70 laidjes omtoald, en ben nou drok mit omtoalen van nog stok of 50 laifdeslaidjes (eerst) en loater nog zo’n blok joaren 60-70 laidjes.
