Ie kinnen der mit lezen en schrieven
onder d’kerstboom
zingen kinder
zachies stille nacht
en vrede op eerde
nog nait tegen
beter waiten in
wie loaten t zo
goan wieder mit
te veul te eten
en d’aander
het te min.
omdenken veur
de noaste is goud
mor nait te veul
en te dicht bie
God is laifde
en Allah is groot
veur elkenain
mor toch veuraal
veur mie
want overmörn
Is de kerst
al weer veurbie
Geboren: op 11 juni 1944 in Ol Pekel
Woont in: Noordhörn
Schrift veur: Kreuze
Facebook: https://
www.facebook.com/
henk.deweerd
k bin opgruid onder de rook van de stroketon-
febrieken en boven de schoemloage van t Pekel-
derdaip.
k Heb woond in Winschoot, Grunnen, Auwerd en
vanòf 1977 in Noordhörn.
Van 1968 tot 2005 heb k waarkt in t onderwies,
eerst aan de huishoudschool in Winschoot ,
loater bin k noar de stad goan en bin doar deur
veul fusies op verschillende scholen belaand:
De “ir Van Doorenschool” voor ITO,
“De Noorderkroon”,
t “Rölingcollege”.
Noa de VUT hebben Jan Blaauw en ik de kurses
Grunnegs volgd in Noordhörn.
Wie vonden t wel schier om doar den ook wat mit
te doun en zo is “Kreuze” dus geboren.
Bie tieden schrief ik doar zulf ook wel es wat in.
