Joarringen in de haarst…

· Berg van den, Edward

Deur t goldgele bloaderdak taikent zug t geroamte van de winter al òf. Doar woar de boom krampachtig zien bloaderndak pebaaiert vast te hòllen, rukt n straffe novemberstörm aan t leste blad.

De wind buldert en roast en sprekt mit dwingende stem:

Geef hier, loat löss !!

Moar de machtige aik geft t leste dail van de zummer nog nait pries. t Geelbroene blad weerspaigeld de herinnern aan n mooie waarme zummer.

Elk blad wat e verlust bringt hom dichter bie de ring van t volgend joar…. De cirkels van t leven hebben hom vörmt tot de boom zo as e nou is !

n Machtige aik dij weer en wind trötseert.

Joar in, joar oet..

Blad veur blad..

• Facebook
• X
• LinkedIn
• Email
• Print

Verhoalen

Meer van t zulfde:

• Boerenverdrait…

• Stil gebed…

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.