Fluusternde bloader
Vanoet mien sloapkoamerroam,
zai k de krunen van n poar bomen
zachies bewegen in oavendwind,
en hail stiltjes noaderbie komen.
t Ritseln van dij bloader
klinkt as n zaacht gefluuster
t heurt wel wat noar gesnoater.
k Mag der groag noar luustern.
Woarover zie zo zachies fluustern
Over vogels, wind of haite zun,
of over t leven en t nachtelk duuster?
k Wol, da’ k t ains echt heuren kon.
t Laifste zit k mit rogge tegen stam
n bedie veur mie hin te stinnen.
Kopschrabend over wat körts tot mie kwam
en hou k dat nog beder haar kloaren kinnen.