Flòiten in feberwoarie
· Wilzing, Hanne
Noa n winter woar gain ènde aan kwam
lig ik op n vrouge feberwoarie-mörn
in berre te wachten op t breken van t duuster
en t onwizze begun van nije dag
Te dinken of ik deroet goan zel
of bietaiken veur de nacht
Heur ik aan d’overkaande
vanof tempeltje op dak
n merel flòiten
hemels as oet parredies
t Haile dörp swigt en luustert mit
t Daaiertje is nich aan te roaken
en kön k t in handen pakken den brakt
Moar in högte bespeult e scheppen
wordt flòiten stem van Aiwege
en krig haile wereld hoop.
(24 feberwoarie 2010)
Gedichten
Meer van t zulfde:
Achtergrond info: Geboren in: Smilke, 1958
Schrift ook veur: Kreuze
Toal en Taiken
Schreef veur: Krödde
“k Heb t löcht zain en bin opgruid as boerenjong
in buurtschop Smilke (Smeerling) bie Onstwed-
de. Op mien17e bin k veur school en waark wie-
de wereld in trokken. Mor t Grunnegs blif mien
eerste toal. Geregeld verschienen gedichten en
verhoalen mit Westerwoldse inslag van mie o.m.
in Kreuze en Toal & Taiken. Mien gedichten bin-
nen ook opnomen in enkele verzoamelbundels.
Wieder waark ik mit aan festivals.”
Bundels:
De stille kaant (Triona Pers, 2010)
Dichter bie Psaalms (Vliedorp, 2010)
Wat mörn komt (Huis van de Groninger Cul-
tuur, 2011)
Oetzicht (2012)