Vertroagen

· Wilzing, Hanne

Blonde vraauw op hoge hakken
lopt niedsk sikkom tien meter
veur hond oet
swoare olle labrador komt der
in lege versnellen achteraan
kwispelt wat mit steert
en rokt aan elk poaltje
as k veurbie fiets
kik e mie aandachteg aan
en ik kiek aandachteg weerom

• Facebook
• X
• LinkedIn
• Email
• Print

Gedichten

Meer van t zulfde:

• Kunst & Co

• Mien dochter

• Over konten bie kringloop

Achtergrond info:

Geboren in: Smilke, 1958
Schrift ook veur: Kreuze
Toal en Taiken
Schreef veur: Krödde

“k Heb t löcht zain en bin opgruid as boerenjong
in buurtschop Smilke (Smeerling) bie Onstwed-
de. Op mien17e bin k veur school en waark wie-
de wereld in trokken. Mor t Grunnegs blif mien
eerste toal. Geregeld verschienen gedichten en
verhoalen mit Westerwoldse inslag van mie o.m.
in Kreuze en Toal & Taiken. Mien gedichten bin-
nen ook opnomen in enkele verzoamelbundels.
Wieder waark ik mit aan festivals.”

Bundels:
De stille kaant (Triona Pers, 2010)
Dichter bie Psaalms (Vliedorp, 2010)
Wat mörn komt (Huis van de Groninger Cul-
tuur, 2011)
Oetzicht (2012)