Doar

· Klooster-Peper, Henny

Doar woar er nog ruumte is
en men het lawaai nait mist.
Doar woar de hoane kraait
en de boer zien koren zaait.
Doar woar men elkoar nog goidag zêgt
en de vogel ongesteurd zien aaier lêgt.
Doar woar je aal joen koartjes kriegen van de postbode
ook zunder code.
Doar woar je slecht waark kin vinden
Mor woar er waineg files binden.
Doar woar je alles wait van joen buren
zunder elke dag te gluren.
Doar woar de dollard klinkt in ain laid
en St. Maarten kip kap kogel hait.
Doar woar de rest van t laand soms nait wait van ons bestoan
Doar kom ik vandoan

Meer van t zulfde:

0 0 stemmen
Schier?
Berichtje bie n nije reactie?
Stuur mie n e-mail bie
0 Reacties
Inline feedbacks
Bekiek ale reacties
Achtergrond info:

Woont in: Midwolle.
 
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.

CGTC logo woordwaark logo mienwesterkwartier logo liudgerstichtenlogo komopverhoal logo
CGTC logo woordwaark logo mienwesterkwartier logo liudgerstichtenlogo komopverhoal logo

E-mail bie wat nijs?