Klooster-Peper, Henny

Doar woar er nog ruumte is
en men het lawaai nait mist.
Doar woar de hoane kraait
en de boer zien koren zaait.
Doar woar men elkoar nog goidag zêgt
en de vogel ongesteurd zien aaier lêgt.
Doar woar je aal joen koartjes kriegen van de postbode
ook zunder code.
Doar woar je slecht waark kin vinden
Mor woar er waineg files binden.
Doar woar je alles wait van joen buren
zunder elke dag te gluren.
Doar woar de dollard klinkt in ain laid
en St. Maarten kip kap kogel hait.
Doar woar de rest van t laand soms nait wait van ons bestoan
Doar kom ik vandoan

Of en tou dreum ik van een prachtege landhoes met
heul veul peerden
Of en tou dreum ik van ijskoos mit veul slagroom
en de mooiste kleeren
Of en tou dreum ik van haile mooie siefers op mien rapport
zunder dat ik er mui van wordt
Of en tou dreum ik van n knap schatje
Dij mie tractaaiert op n patatje
In mien dreum bin ik ain ail biezunder kind
dij elk en ain geweldeg vind
Maor bie t ontwoaken bin ik weer n wichtje van dattien
woarvan er twaalf goan in n dozien.

t Is nait wat t liekt.
Ain boer dij zich op t weer verkiekt
en een dokter dij zôk in de vinger sniet.
t Is nait wat liekt.
Een wegenwachter dij komt te stoan met pech
en de timmerman dij nait meer timmert aan de weg.
t Is nait wat liekt.
De ambtenoar mit handen in t hoar.
t Is nait wat liekt.
Moar tis de tied
En t komt aal wel veurmekoar

k Heb stres zee dokter
ken wel wezen
Schrieft van die oaf
Ook best, tis mie om t even
Vandoar dat ik vanoet mien luie stoul kom wacheln
Om dit op te macheln