Dat olle hoes

· Detmers, Ab

Doar staait dat olle hoes
t was eertieds n villoa
aan platlopen weg langs t moar
t is nou hoast n bult puun
veurbie is dij schoonhaid
t staait der nog aal
noa zoveul joar.

Mor as snijflokken vlaigen
zo tegen midwinter
of woater gobt in stroalen
en de wind is vris
din zai je doar n olle man
dij strompelt deur de toenen
mit heufd gebokt in gedachtnis.

Proat gaait dat t aal kommen is
deur zien laifde veur n wichtje
dij verzègd het hom te traauwen
hai was ja zo blied
mor heur laifde verswon
toun t hoes ainmoal kloar was
t staait der aibels leeg … veur altied.

• Facebook
• X
• LinkedIn
• Email
• Print

Gedichten

Meer van t zulfde:

• Vraize Deurlopers

• Taitjemuis hörn

• Òfkeurd

Woont in: Delfziel
Schrift al: joaren

Joa, op t heden is schildern weer n luk bietje in bie mie, mor der is n tied west dat ik as ain van d eersten van de Grunneger Schrievers nogal drok bezeg was mit schrieven verhoalen vertellen en dichten.
Toal en Taiken hebben toun hail wat van mie opnomen. Kunstgang Kaampe in Steem bin’k ook nog bie d oprichten west.
Zoas eerder zegt, k heb t nou drok mit schildern en tentoonstellens. Kiek mor even op mien Web-log, din krieg je n beeld van mien doun en loaten. Der stoan ook wat verhoaltjes op in t Grunnings. Dij toal mout der inblieven en smis tot groot verdrait van elk en ain proat ik (lel ik?) lekker deur. t Gait aal zo makkelk.