Asymptomoatisch

· Holtkamp, Rieks

Leste doagen van meert. k Heb niks om haanden.
k Zet gloepstreeks aasketunne boeten,
daip in winterjaze. Achter poest.

k Stoa mie te scheren snommerdags.
Schut mie n gedicht in t zin
van Elizabeth Bishop: Ìnde Meert.
k Denk aan heur Canadese gaanzen
van Nova Scotia neerdoald aan vieverraand in t paark.

Der wazzen al zaachte doagen west;
hond was op zuik noar kikkers,
mor dij huilen kop nog dicht.

Nou lummel k mor wat aan,
verbeeld mie dat k housten mout,
dat k oetvlaigen wil,
terog noar t holten hoes van Elizabeth
hailendaal aan t inde op straand in Nova Scotia,
of mit hond op jacht noar kikkers.

• Facebook
• X
• LinkedIn
• Email
• Print

Gedichten

Meer van t zulfde:

• Schipperslaid

• Hommage à Gauguin

• Dou mor

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.