Wereldgedichtendag

· Holtkamp, Rieks

Nu es die edele tijt gheboren
die ons bloemen sal brenghen int lant

Veur t eerst dit joar zet k stoulen boeten,
schrief dizze regels aan toavel in toene.

Doeven binnen hail dag al hinneweer
boven op mekoar, sloagen vleugels oet.
Zai hebben hoast as of t nije veujoar
zo mor weer òflopen kin. Klinkt applaus op
van kinder op schoule: k heur gelag en meziek.
k Vuil zun in t lief.

Als ons onsteet die merte
Verquicken alle dinghe

Bomen veur t hoes moaken zok op veur blui en blad,
nait allinneg schier mor van levensbelang
veur ons, lees k in kraante: k bin bliede
veur mien longen mit aal voeleghaid
dij zai tou locht oet trekken.

t Is Wereldgedichtendag vandoage
en mörn Wereldwotterdag.
Kin der ok nog wel bie, as of schiere bomen
dij mien longen schoon holden aal nait genogt is.

(verwiezings noar: Hadewijch, Strofisch Gedichten, XII en VI)

• Facebook
• X
• LinkedIn
• Email
• Print

Gedichten

Meer van t zulfde:

• Asymptomoatisch

• Ka

• Hommage à Gauguin

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.