Ie kinnen der mit lezen en schrieven
k Heb nait veul deur.
n Nije dit of dat,
hier n aandere kleur,
doar n dood bloumkeblad.
k Zai veul dingen nait.
Woar wat bléven is,
is ook zo’n duvelsverdrait.
k Zai nait wat k mis.
t Is nait vast bepoald
dat n veraandern hier of doar
direct in t benul indoalt.
Dat is toch wel n beetje roar.
n Bult vaalt mie nooit op
en gaait aan mie veurbie.
Ach, geef mie nait op de kop,
omreden wel ik altied zai is dié.
Geboren: groot zaikenhoes Stad in 1953, opgruid in Blijham
Woont in: Dale (Wildervanksterdallen)
Schrift al: vanoaf 1990 of doaromtrent.
Veur de LOK (Lokale Omroep Kanaalstreek) joarenlaank stokjes veur de radio. Eerst actueel mit: “Hebben ie t ook lezen?” onder schoelnoam Johannes Sems en dou n poar joar stòkjes over “Zwoantje mien laive vraauw”. Doarmit ook op de Lokoale Omroup Veendam, Radio Westerwolde en op RTV Noord west. De Stichten t Grunneger Bouk hèt in 2011 n luusterbouk as begunstegersgeschenk oetgeven mit n selectie van dizze radioproatjes: “n Hail joar mit Zwoantje”. Dizze plazerijen bennen op Dideldom ploatst en bennen op youtube te heuren. Mensen dij nait meer zo goud lezen kinnen, kinnen doar veul pelzaaier aan hebben. Doarnoast bennen der ook n keur van aandere Zwoantje stòkjes ploatst. Ook wat recentere biedroagen bennen opnomen.
Wieder aandere dingen schreven en veur de radio prezentaaierd, zoas “Derk en Hillie”, soamen mit Riek Meijering en teksten van n koppeltje aander schrievers.
Nou bezeg mit Dideldom.nu, dizze webstee!
Eerste pries (verhoalen) Schriefwedstried Knoal 1993 mit: Sjoerd en de Keunenk.
Daarde pries (gedichten) Schriefwedstried Westerwolde 2024 mit: Zo bemind.
Eerste pries (gedichten) Pervinzioale Schriefwedstried 2025 mit: Swaalfke.
Eerste pries (gedichten) Schriefwedstried Westerwolde 2026 mit: Laandjepik.
Twijde pries (verhoalen) Schriefwedstried Westerwolde 2026 mit: Beste bruier.
