Zummeroavond
· Wilzing, Hanne
n Zee van stemmen achter holten gerdienen
biezetten golft der n laag
en t duuster sloekt alles in
Lutje reert en mag dele
lustert noa wat groten swiegen
kikt deur t wotter n nije wereld in
n Loade autodeure klapt dichte
en wied vot gijt er n lèste traain
Troag umaarmt stilleghaaid ale dingen
lèste lözze woorden geven zuk over
zee stìnt nog wat
Gedichten
Meer van t zulfde:
Achtergrond info: Geboren in: Smilke, 1958
Schrift ook veur: Kreuze
Toal en Taiken
Schreef veur: Krödde
“k Heb t löcht zain en bin opgruid as boerenjong
in buurtschop Smilke (Smeerling) bie Onstwed-
de. Op mien17e bin k veur school en waark wie-
de wereld in trokken. Mor t Grunnegs blif mien
eerste toal. Geregeld verschienen gedichten en
verhoalen mit Westerwoldse inslag van mie o.m.
in Kreuze en Toal & Taiken. Mien gedichten bin-
nen ook opnomen in enkele verzoamelbundels.
Wieder waark ik mit aan festivals.”
Bundels:
De stille kaant (Triona Pers, 2010)
Dichter bie Psaalms (Vliedorp, 2010)
Wat mörn komt (Huis van de Groninger Cul-
tuur, 2011)
Oetzicht (2012)