Wiend blift waaien
Waaien dut wiend
haarder kroakt gebient
ol ploats in wiede laand
as stipke in Gods haand
minsk is der mor hail klain
in open veld naauw te zain
ien landschop deur aiwen hin wrocht
het boer zuk n goud bestoan oetzochd
ol boer noa kraben te tied oet verswonnen
is nij boer op ol stee vannijs begonnen
over n poar hail grode koavels aal mor weer
roazen nou bloots dikke mesienen hinneweer
mor waaien blift wiend
over schuur zunner gebient
nije ploats in wiede laand
blift stipke in Gods aigen haand