Weerom ien haarst
Ien keuken kiek ik te glaas oet
en zai d’ol ekkelboom
Bie zien stam zuiken kiener
ien t valen blad noar ekkels
k Zai miezulf weer as kiend
hou k mit moeke onner bomen
zöchde noar buikens en kestaanjes
Lopen lukt heur nait meer
en ook ik bin oller wodden
Toch vuil k mie even weer t lutje jong
en wens ain van dij kiener te weden
veur wel haarst nog biezunder is.