Waddennacht
Veurjoar zummer haarfst
t is weer tied veur t wad
mien voutstappen zetten sporen
in t zaand en de nacht
is broken.
Over n muur van wotter
ver op zee in t schien van de moan
drift n botter
en ik vuil mie klain.
Zee trekt zok terogge
deur soamenspel van moan en wind
en zoas n kind
vuil ik mie herboren.
Tot die wil ik beheuren
mie ain vuilen mit dien pracht
k bewonder die in vrees en kracht
en loat mie goan deur geur van slik
Doe kinst de nacht temmen
met veul gezag en
waist die te gedroagen
en… sloets oaf met n lach
