Vredewold
De noam van dizze streek was Vredewold,
die noam is al huul old.
Toch is die noam niet hulemoal vot goan,
we zien die noam hier en doar nog op stoan.
Mor woar stijt die noam dan, vroag je je of….
Nou Moarum het n mannenkoor, ze zingen Gode Lof.
Midwolde har n theehuus met die noam al
weer lang geleden,
mor die noam is update veur n andere
noam, dus dat is verleden.
Mor wat viel doar nou allemoal onder
t gebied Vredewold?
t Was wat nou gemeente Moarum en Leek
is, en die noam ien gedachten holdt.
As der nog es heriendeeld wordt ien dit gebied,
dan heb ik n goeie noam uut vervlogen, mor
dan weer tegenwoordege tied?
Vredewold, ik wil dij bezingen!
Vredewold, ik wil t behold van dien holtwallen bij de overheid ofdwingen!
Vredewold, wat bistoe zunder die coulissen?
Vredewold, ik wil dat veur gien gold missen !
