Ie kinnen der mit lezen en schrieven
k Mag mie aal tieden
Sums zulf nait lieden
En ik prakkezaaier
Ien t uur wel vief ketaaier
t Lopt mie zowoar finoal ien n kloet
k Bin ook lammenoadeg ien de hoed
De lucht is graauw
Ik schel en snaauw
Mien hoar wordt gries
Vrouw zegt, liekst wel nait wies
Doe….. Bist ja nog n jong kerel
De lucht kloart op
En boeten zingt n merel
Geboren: 21 december 1939 in Ten Post
Woont in: Stad
Schrift al: joaren…
k Heb n oplaiden had op kunstakkedemie Minerva en joaren waarkt as ontwaarper bie (toun nog) Wolters-Noordhoff. Ook nog zo’n zes joar les geven op kommersjele schoul en nou al weer n tiedje AOWer. k Heb altied taiknt en schilderd, beeldjes mokt en bie schroalen bezeg west mit gedichtjes en limmeriks. Thoes heb ik n museum op zolder mit van alles en nog wat.
