Verzichies vouern

· Puister, Henk

(Verpleeghuus Veenkade Veendam. pril 2019)

Mien rolstoule aan laange toavel
bie heur dij leerd haren
van geduld en van nait vroagen
om hulp zag heur t eerst
wol noar heur tou.

Zulfde trekken haar zai
as uut wèl ik geboren bin.
Gebrekkeg deur niks meer kinnen
as verzichies glimlagen en fluustern
wachtde zai op wichter
mit te körde klappervleugels
dij t haile gebaauw deurvlogen
om dainstboar te wezen.

Omdat mie niks overbleef
as wachten tot voutwond beter was
vouerde ik heur vogellaif
vörkje veur lutje vörkje
lepeltje veur lutje lepeltje.
t Wuir mie verboden
vanwege heur perbleem mit deursloeken.

Nou ik genezen bin
is zai der nait meer.
Veurdat ik op d’wereld kwam
woonde zai stoef bie mie in stroade
van mien geboorte.
Dag moekelaif

• Facebook
• X
• LinkedIn
• Email
• Print

Gedichten

Meer van t zulfde:

• Doe deest wast doe wolst

• Schewòlderdiek

• Zol aine t waiten?

Achtergrond info:

Komt oet Hoogezaand.
 
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.