Ie kinnen der mit lezen en schrieven
Propke verknoedeld pampier op grond,
t is nait van mie, ik pak t op en gooi t vot
moar ien mien heufd zag k nog wel
t bewegen van dien mond
inains let t mie nait meer lös
wat ston der op? was t nait veur mie?
hest die bedocht?
nijsgierig pak ik t schriefblok
en moak mit potlood zachte streepkes
mien haand haangt stil, ik sloak n zocht
bie t verschienen van: ik hol van die
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.
