Vattien feberwoarie (14 feb.) 1979

· Puister, Henk

(Oerstrenge winterploage 1)

Snijdunen worden hoger, hoger
en hoger. Wind snidt vilaainer
en aal vilaainer deur alles hèn.

Vlaigmesienen mit soldoaten
binnen haard onderwegens
om ons aalmoal te verlözzen.

Minsen – bewoar joen kaalmte –
hold kop koul
en t verstaand deu.

Oproup veur vraauw Ritsemoa:
mins – weest nait zo’n knieperge knibbel-
kont – breng joen broenbrood

onmiddelk noar d’winkel weerom –
want in hail Noordbrouk
is gain plakkie stoet meer te kriegen.

Dou hier denken om:
ie binnen nait allain
op d’wereld – vraauw Ritsemoa.

Wie dailen nait allenneg in vreugde
mit mekoar mor veuraal as d’wereld
aldernoaste lelek noar ons loert.

• Facebook
• X
• LinkedIn
• Email
• Print

Gedichten

Meer van t zulfde:

• Slakkie

• Mit vekaansie bie opa en opoe

• Minselkhaid in regeltjeslaand

Achtergrond info:

Komt oet Hoogezaand.
 
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.