Valentino calling
Valentino belde mie gusteroavend dou k krekt op t nust zol
-ien pyjama, mor dat kon Valentino vanzulf nait zain –
en vroug mie of k ook slim wìnsteg waas noar Itoalië,
zoas hai aal. Ik, Itoalië? Verkeerde aiw
en verkeerde nummer, docht ik, mor k lait hom
geworden, din: hou voak belt Valentino joe nou?
Onnaaiernd wat of t beste was, heurde ik hom oet:
roege verhoalen over films en vraauwlu ien bruiend Los Angeles,
eelskerd op verschaaiden feestjes en aaltied der maank.
Glaske hier, snoefke doar en aingoal adoroatsie.
Of hai t nait stoer von ook dag en deur n rol te speulen,
‘fake marriage’ mit Jean Acker, en loater aal dij aandern.
Femina/ LGBT avant la lettre, duurde k te vroagen
en dou wer lien morzo dokeg en heurde k niks meer.