Tou mor

doe wilst nait dat ik dien troanen zai
mor woarom aigenliek nait
ik zel die nait oetlagen


meschain betaiken troanen nait aaltied verdrait
mor zuvern ze wat aal zo laang verbörgen bleef
en kinst doe die nou endelk bevrijden


loat ze dus moar komen


ik zel rusteg wachten tot ik dien klaaine laag zai
en din zel ik komen en die vaastholden
vaastholden
vaastholden


en dien troanen
en mien troanen


en dien laag
en mien laag


zellen veur aaltied
vrunden wezen

Meer van t zulfde:

Ploats hier joen reactie op dit stòkje; algemaine reacties kennen in t Gastenbouk

Het e-mailadres wordt niet gepubliceerd. Vereiste velden zijn gemarkeerd met *

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.

E-mail bie wat nijs?