Tied
Vlug vergaait de tied …
van uur noa uur en dag noa dag.
Gaf t bliedschop, leed of spiet,
en troanen van verdrait of n laag.
En uur noa uur …
vergoan zo, joar noa joar.
De wiezers draaien gestoadeg en sekuur,
en wat was, is nait meer doar.
De tied vervlogt …
as wind dij deur de bomen waait.
Tied dij nooit ais logt,
zo as dat ook mit ons leven gaait.
Mens en tied zo t hait,
is mor van tiedelke duur.
Mor d’aiweghaid …
dij kent tied nog uur.