Ie kinnen der mit lezen en schrieven
Woar aans binnen de luchten
Zo blaauw en vris
de wolken zo wit
t licht zo aans
t laand zo liek en riek
tou wiet achter Dollerd diek
n Mondrioans landschop
van kleurrieke vlakken en
strakke lienen.
In de klaai kiemt de toukomst
en wuilt verleden.
t Volk hecht aan heur woddels
en kikt noar t nije
zunder veul woorden.
Hai vergraimt ze nait.
Dat is t Oldambt
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.
