Sloatjekaauwers
Woar binnen ze
dij sloatjekaauwers.
Vrouger kon je
ze vinden van t knoal
tot aan de Laauwers
mit n sappeg verhoal.
Woarbie de proeme
zo groot as n doeme
op stroade kletterde
en t broene sap
oetnkander spetterde
en wie as kinder
vol bewondering keken
hou dij kirrels
net artiesten leken
as noa
zo’n welgemikt schot
de schutter
bluit van genot
as de proeme
net as n kenonslag
t asfalt zag.