Seksclub?

· Wijnholds, Bert

‘Deze stad kent geen illegale bordelen,’ zee de börgmeester. Ik kiek aans naargens van op. In de lift van mien flatgebaauw pruit k tegen n blondine, dij in gebroken Nederlands antwoordde.
k Kreeg n kirrel bie deure, dij vruig noar d’illegoale seksclub. k Stuurde hom vot, mor wol toch waiten woar e bleef. k Luip stiekem achter hom aan en zag woar e binnen ging. k Was meer as nijschiereg en belde doar n dag loater aan. Dat blondje uut de lift luit mie binnen. In de gaange luip k sikkom tegen n bekende kirrel aan. ‘Börgmeester, joe hier?’

• Facebook
• X
• LinkedIn
• Email
• Print

Verhoalen

Meer van t zulfde:

• Wie mouten snuien om te gruien

• Dood peerd

• Poaske is de nije Kerst

Achtergrond info:

Geboren op: 9 september 1973
Woont in: Stad
Schreef in: Kreuze
Blogt op: https://www.bertwijnholds.nl/

In 2004 haar k veur t eerst n aigen webstee, woarop k in t Nederlands schreef. Mien eerst schriefsel in t Grunnegs is n blogbericht van meert 2010, over d’eerste Dag van de Grunneger toal. In maai 2011 wuir k tekstredakteur van t digitoale Grunneger tiedschrift Kreuze en vanòf dat mement bin k allenneg nog in t Grunnegs schrieven goan. In jannewoarie 2023 is Kreuze opholden te bestoan. k Bin doarmit stopd as tekstredakteur en k hoop nou meer mit aigen schrieverij aan d’loop te kinnen. Mien schrieverij bestaait t mainst uut blogs over n verschaaidenhaid aan onderwaarpen.