Schouchverbranden
t Holtvuur is aan en t heugt mie
hou of dat mien zeun mien schounen aanpaast
as of e miezulf ston aan te pazen
schounen, zai bennen n onderkommen, n voutenhoes
n schoelploats veur de verloren zeun
woar oflopen tied ien woont
elk bod, as wie ons de nije schounen ienwaaiden
hopen wie, dat wie wieder kommen as dat zai beloven
mien zeun dragt mien schounen
ik wait nait, en ik kin mie nait begriepen
of n dail van mie al weerom kommen is ien schouchhoezen
of n dail al votgoan is en welk dail t beste wezen zel
en houveul schounen mie toudocht bennen, en houveul hoezen
woar ik nait ien wonen zel
ik kiek de vlammen ien
mit heur raaizen de schounen van mien overleden ol heer òf
woar e veur aiweg ien wonen zel
Leste gedicht op liest: Batų deginimas/Schouchverbranden.
https://www.lyrikline.org/de/player/playautor/1470
