Pruiven

· Weggemans, Bert

t Is mor even biegoan,
Zegstoe, t is de muite
Van t nuimen mor
Zuneg aan weerd.

Meer as pruiven
Is t ja nait, mien jong.

Probeer t nou mor,
Geef t nou es n kaans
Din hest geliek wat om haans –

Ik luuster noar die
Umdat ik die vertraauw,

Doe zegst wastoe mainst
En doe mainst wastoe zegst.

Dus geef ik t n kaans:
Ik pruif zeker de nijeghaid
En wen mie aan de smoak,
Dij daip van binnen zit.

Wat ik der veur miezulf
Uuthoal is de woarhaid
Zo as ik dij zai –

t Overege loat ik liggen,
Doar bemui ik mie nait mit.

• Facebook
• X
• LinkedIn
• Email
• Print

Gedichten

Meer van t zulfde:

• t Wit tussen dien regels

• De tied versloagen

• Bladgrond

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.