Dat der n stem is

· Weggemans, Bert

t Mooiste wastoe veur mie doun kist, jong,
Is dastoe n mement de tied nemst
Om te heuren wat ik te zeggen heb.

Dat is ja nait zo stoer,
Mor veur veul minsen
Nog stoer genog, heb ik maarkt.

Heuren kin ja elkenain,
Teminnen as zien oren t goud doun.

Mor luustern, dat is net even wat aans:
Nait allenneg de tied nemen,
Mor ook welwillend wezen
Om doadwerkelk te luustern,
Noar wat ik die te zeggen heb.

Ik twievel voak aan miezulf,
Wait nait recht zeker of ik wel echt bestoa,

Mor astoe nou noar mie luustern wilst,
Den letst doe mie maarken dat ik n stem heb
Dij t weerd is om verstoan te worden –

Dat der n stem is,
Dat ik bestoa.

• Facebook
• X
• LinkedIn
• Email
• Print

Gedichten

Meer van t zulfde:

• Laifdeslaid

• Nachttoal

• Drenkeldobbe

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.