Optaikens van n grootmoe (dail vattien)

· Vonk, Giny

Aaltied waren der kinder dij wat deugennaits oethoalden. Wat dou je din? Nait sloagen, nait raggen. Das nait goud. Eefkes apaart zetten. Das beder.
Vrouger in houke, nou op t heden op n doarveur bedould stoultje. Mor bie mien dochter is dij stee d’onderste tree van trappen. As k mien jongste ootjezegster, n iepenkriet van twij joar dij t bekje aal oardeg bruken kin, wat mout verbaiden, wordt ze gloepens kwoad op mie. Ze gaait mit baaide haandjes in zied veur mie stoan en ropt mie tou :
“Most doe op tjap”?

• Facebook
• X
• LinkedIn
• Email
• Print

Verhoalen

Meer van t zulfde:

• n Koartenhuuske

• Optaikens van een grootmoe (dail tien)

• Optaikens van n grootmoe (dail elf)

Optaikens van n grootmoe

Veurwoord
Nooit har k waiten dat grootmoe wezen joe
zoveul plezaaier geven kon en joen leven
opschieren sol as je op leeftied kommen.
Ons veurnemen om in t Grunnegers wat te
goan schrieven komt mie krekt te pas, den
net om dis tied har k der over docht om de
gutege oetbedenkseltjes van mien
klaaindochter op te taiken.
En woarom den nait in t Grunnegers. K
vang den twij muggen in ainmoal.
Ons oldste ootjezegger is as k aan t
optaiken begun, twij en n vörrel joar old.
Zie het net n lutje zuske kregen en zie het
om dizze tied n neefke van sikkom ain joar
old. In n kört pooske begunt dij
keuteldoemke te teuten as k wait nait wat.
Grode lu mouten doar den om lagen en
dat vaalt sumtieds nait goud. “Nait grapke”
ropt zie den mit n kwoad vertrokken
smoeltje.
Al gaait het schrieven mit gemarrel en
gesparrel, k vin t de muite weerd.
k Hoop dat joe der van mitgenottern willen,
den hebben joe geliek wat ommaans.