Onthold
Schierste van Oosterstroade is Martini
dijst zain kinst in al zien grieze glorie.
Je kieken der aaid zo nuver tegenop vanòf t Zuderdaip.
Mor stroade kin nait meer bekeukeln: moeke
as jong wicht van 95 komt der voak over tou, as
zai weerom fietst noar Oosterpoort. Al winkels
kin zai nog. Olle Grieze
torent overal bovenoet, Martini
is richtenwiezer, boaken
van heur goatenvol onthold.
Mor nou is stok van Olle Grieze votvreten. Oet t zicht.
As of Oosterstroade ok Alzheimer kregen het.